Bihar, larunbata, 18:30ean hasita, bi final jokatuko dira. Lehenengoan, eskuz binaka kadete mailan,
Behar Zana 2 (Asier Aranburu-Urko Otaegi) eta Hernani (Xuban Iturbe-Oihan Legarreta) ariko dira lehian. Bigarrengoan, eskuz binaka jubenilen mailan, Hernani (Jon Jara-Unax Manterola) eta Behar Zana (Eñaut Aranburu-Oier Aranburu) eriko dira nor baino nor.
Etzi, igandean, 11:00etan hasita jokatuko dira beste bi final. Eskuz binaka, nagusiak 1. mailan, Behar Zana (Eneko Maiz-Arkaitz Esnaola) eta Mundarro (John Linares-Oier Gurutzealde) artekoa izango da. Eskuz binaka, nagusien 2. mailako finala jokatuko da bigarren partidan, Pagazpe (Enrike Huizi-Julen Urruzola) eta Behar Zana 1 (Iñaki Lizaso-Iker Aburuza) artean.