Larunbatean jokatu ziren Tolosako Beotibar frontoian Gipuzkoako Txapelketako gomazko paletako banakako lehendabiziko finalak; hain zuzen ere, buruz buru 7aren barruan. Nagusien lehen mailan eskualdeko bi pilotari aritu ziren elkarren aurka, eta Behar Zana elkarteko Aratz Luisak 22-25 irabazi zion Tolosa elkarteko Mikel Goitiari.
Nagusien bigarren mailako partida ere jokatu zen larunbatean, Orio elkarteko bi pilotarien artean. Aritz Lertxundik 22-25 irabazi zion Iban Aldalurri.