Azken orduetan zerua garbi geratuko da. Hego haizea ibiliko da eta tenperaturak gora egingo du, non balio altuenek 16-18 gradutan joko duten goia.
Okerrera egingo du eguraldiak bihar. Goizean goi-mailako hodei asko ikusiko badugu ere, giro lasaia izango da. Eguerditik aurrera ordea, hodeiak ugaritzen joango dira, fronte bat iritsiko da arratsalde erdian eta euritara joko du. Zaparradak tarteka mardulak izango dira, batez ere, azken orduetan. Goizean hego-haize zakarra ibiliko da; arratsaldean aldiz ipar-mendebaldera egingo du. Tenperatura maximoak 16-18 gradutan mugituko dira, baina arratsaldean nabarmen freskatuko du.