Isabelita eta Peio
Peio eta Isabelita
haien parean eserita,
ireki ziren bi leiho
hitz jolas aparta baten eskutik
mugitu ginen haien barrutik
zenbat gihar, izerdi eta malko
kanpoko itxura koloretsutik haratago
hala gabiltza denok, erdi gaiso
urtarrila bukatzear dago,
hurrengo hilabetea ere halatsu omen dator...
Inauterietako arima
behingoz izan dadila
eustea egokitu zaigun
orainaren ardatz baikorraren isla
antifaza, txapela,
ezer gabe bestela
bular bat edo biak
berdin du, erosoa eta argia
denean barruko habia;
kolore ikusezinak,
horiexek bai sendagarriak.
Atariak emandako bertsopozari
bizipozak jarrai diezaiola otsailean,
festa kuttunak bizirik bihotzean
kalean ziri-ziri edo etxean dinbi-danba
norberaren umorearen arabera...
otsaila atarian da.