Larraitzetik sartuko da tropela eskualdera, eta Amezketatik Alegiara abiatuko da, ondoren Altzora igo eta Txaramatik pasa ondoren Tolosara iristeko. Handik Anoeta aldera joan eta ondoren Alkizako gaina igoko dute. Zizurkildik pasa eta Andoain aldera egingo dute txirrindulariek.
Etapa horrek guztira 210 kilometro izango ditu eta Alkizako gaina puntuagarria izango da. Helmugara iritsi baino 18 kilometro lehenago Jaizkibel gainditu beharko dute.
Datorren urteko Tourraren lehen etapa Bilbok hartuko du, bertan hasi eta bukatuko baita, 185 kilometro ibilbidea egin ondoren. Hirugarrengo etapa, berriz, Zornotzan (Bizkaia) hasi eta Baionan bukatuko da.
