Osasun egoerak antolaketa zaildu duen arren, urteroko Gabonetako pilota topaketa egin dute Beotibar pilotalekuan. Hala, Tolosako nahiz Amasa-Villabonako, Amezketako, Albizturko nahiz Bidania-Goiazko klubetako pilotariak elkartu dira azken egunetan, 70 inguru.
Urtarrilaren 2an hasi zen topaketa, eta hiru mailatan banatuta jolastu dute gaztetxoek, benjaminak eta alebinak pilota goxoarekin eta mixtoarekin. Atzo jokatu zituzten finalak eta Jokin Altuna pilotaria izan zen sari banaketa ekitaldian.