Irurako Ikastolaren aldeko Go!azen 8.0 bi saio eskainiko dira urtarrilaren 8an. Aforo murrizketak medio, "jende dezente geratu da sarrerarik gabe" eta hori konpontzeko hirugarren saioa eskainiko dute martxoaren 26an, Leidor antzokian. Sarrerak urtarrilaren 7an jarriko dira salgai Kutxabank-en 10:00etan eta Leidorreko leihatilan, ohiko ordutegian.
Pandemiaren seigarren olatuak neurri murriztaile berriak ekarri ditu eta horrekin batera kultur emanaldien aforoa murriztu beharra. Irurako Ikastolak Go!azen 8.0 ikuskizunerako sarrera guztiak salduta zituenean etorri zen lege berria. Sarrerarik gabe, bigarren bueltan geratu diren horiei begira, hirugarren saio bat eskainiko du Irurako Ikastolak datorren martxoaren 26an.
Sarrerak berriz, aldez aurretik erosi beharko dira, ostiral honetan bertan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!