Irurako Ikastolak jakinarazi du hainbat aldaketa egin behar izan dituztela urtarrilaren 8an Tolosan eskaintzekoak ziren Go!azen 8.0ren emanaldian. Aforoa %60ra murriztu dutenez eta sarrera guztiak saldu zirenez, erositako sarrera guztiak eta kudeaketa gastuak bueltatuko dituzte ordaintzeko erabilitako txartel berera. Emanaldia mantentzen dute hala ere, eta %60ko aforoari dagozkion sarrerak jarriko dituzte salgai urtarrilaren 2an, 10:00etatik aurrera, ohiko bideetan. Gogorarazi dute ere Leidorrera sartzeko COVID ziurtagiri digitala eskatuko dietela 12 urtetik gorakoei.
Tolosako Leidor aretoan urtarrilaren 8an izango den Go!azen 8.0 emanaldiko sarrerak berriz ere jarriko dituzte salgai urtarrilaren 2an.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!