Tolosa CF-koen emaitza onak Espainiako Kros Txapelketan

Tolosa CF Atletismo taldeko hemeretzi atleta joan ziren asteburuan Sevillara (Espainia), kluben arteko Espainiako Kros Txapelketan parte hartzera.

Emaitza onak lortu zituzten atletek, eta guztietan nabarmentzekoa da 18 urtez azpiko neskek lortutako bosgarren postu bikaina.

Guztira lau talde joan ziren Tolosa CF-tik, eta «esperientzia bikaina» bizitu zutela adierazi dute klubetik. Beste hiru taldeek ondoko emaitzak lortu zituzten: 16 urtez azpiko neskak 20. postuan sailkatu ziren, 16 urtez azpiko mutilak 24. postuan eta 18 urtez azpiko mutilak 32. postuan.

Bestalde, Maria Lasa irurarrak Playas de Castellon taldearekin parte hartu zuen ere txapelketan, 23 urtez azpiko mailan. Bere proban hamargarren postua lortu zuen Lasak, 19.36ko denbora eginez, eta irabazlearengandik minutu eta sei segundora helmugaratuz. Kluben sailkapenean lehenengo postua lortu zuten Lasak eta bere taldekideek.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!