Arratsaldeak aurrera egin ahala ordea, zerua estali eta hegoaldetik euria iritsiko zaigu, uneren batean mardul botako duelarik, batez ere, gau partean. Ipar-ekialdeko haizeak joko du eta tenperatura ez da 9-10 gradutik pasako. Elur-maila 1.200 metrotan kokatuko da.
Giro nahasiak jarraipena izango du bihar. Goizean goiz oraindik euri zaparradaren bat edo beste izango dugu. Goiz erditik ilunabar arte ordea, ateri eutsiko dio eta une batzuetan ostarte batzuk zabalduko dira. Azken orduetan berriz ere zerua estali eta euritara joko du. Haize aldakorra ibiliko zaigu, mendebaldeko ukitu batekin eta tenperatura ez da 10-11 gradutik pasako.
