Arratsaldeko lehen ordutik aurrera ordea, hodeiak ugaritu eta azken orduetan euri-langarmodura zaparradaren bat edo beste izango da. Haizeak goizean mendebaldetik joko du, arratsaldean aldiz ipar-mendebaldetik. Tenperatura antzeko balioetan mugituko da, 15-16 graduan joaz goia.
Giro kaskarra izango dugu bihar. Goizean bertan zerua erabat estalirik agertuko da eta euri kontu batzuk izango ditugu. Goizean euri zaparradak ahulak izango dira orokorrean. Eguerditik aurrera ordea zaparradek indar gehiago hartuko dute eta tarteka mardul xamar botako du, egunaren bigarren zatia ezatseginagoa izango delarik. Ipar, ipar-mendebaldeko haizeak zakar xamar joko du eta tenperatura jaitsi egingo da, 12-13 gradutik nekez pasako direlarik.