Goiz erdi-eguerditik aurrera ordea, hodeiak are gehiago trinkotuko dira eta euritara joko du eguraldiak. Tarteka zaparrada mardulak botako ditu, batez ere, azken orduetan, non sarri xamar botako duen. Haizeak goizean hegotik joko du, zakar. Eguerdian mendebal, ipar-mendebaldera egin eta ahuldu egingo da. Tenperatura igo eta 22-24 graduan joko du goia.
Hobetzeko joera hartuko du eguraldiak bihar. Goizean zerua oso estalirik agertuko da eta euri zaparrada batzuk izango dira, egunsentian handi samarrak izan daitezkeelarik. Eguerditik aurrera nabarmen atertuko du eta giro lasaiagoa geratuko zaigu. Haizeak ipar-mendebaldetik joko du eta tenperatura nabarmen jaitsiko da; nekez gaindituko ditugu 16-17 graduak.