Arratsaldean antzeko joera nagusituko da, baina azken orduetan ipar partetik hodei baxu batzuk sartuko dira. Haizeak goizean hego-ekialdeko norabidea izango du, baina azken orduetan ipar-mendebaldera egingo du. Tenperatura asko igoko da eta 30-32 graduan joko dute goia.
Giro tristea eta askoz freskoagoa izango dugu bihar. Fronte batek hodeitza handia utziko digu egun osoan zehar eta tarteka euri zaparrada batzuk izango ditugu. Zaparrada ugarienak eguneko erdiko orduetan botako ditu eta tarteka mardul egingo du. Haizeak ipar-mendebaldetik joko du eta tenperatura asko jaitsiko da, 17-19 graduan joaz goia.