Bonu besterenezinekin mugitzen ginen teorian, praktikan bai baitziren besteren bonuekin bidaiatzen zutenak ere, besterenezitasun horri izkin egin eta berea egiten zutenak, trena joan eta trena etorri.
Egun, ardurekin, alderantzizkoa gertatzen dela esango nuke. Ardura pertsonalek besterenezin beharko lukete, baina badira bereak besteren bihurtu eta lasai mugitzen asmatzen dutenak, bere nahi ezak besteren ezin bihurtuz, ardura joan eta ardura etorri. Zenbaitek beti dauka bonua eskura.
