Asteburuan jokatu dira Gipuzkoako Batel Txapelketak, eta bertan izan dira TAK klubeko ontziak. Bi bandera lortu dituzte, eta biak infantil mailan, neskek zein mutilek irabazi baitute.
Kadeteetan, neskak bigarren izan dira eta mutilak hirugarren amaitu dute. Jubenilei dagokionez, neskak hirugarren izan dira eta mutilak ez dira finalera sartu.
Behin Gipuzkoako Txapelketa jokatuta, Euskadiko Txapelketaren txanda izango da orain. Asteburu honetan bertan jokatuko da, Legution (Araba). Txapelketa horretara klub bakoitzetik ontzi bana joango da maila bakoitzean. Euskadiko Txapelketan lehen bi postuetan geratzen direnak Espainiako Txapelketarako sailkatzen dira; Galizian jokatuko da txapelketa hori, apirilaren 24 eta 25ean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!