Dementzia Bizitzen programa garatzen jarraitzeko

Buru Bihotzez elkarteak Dementzia Bizitzen programa garatzen jarraitu nahi du eta horretarako herritarren laguntza eskatu du. Bide horretan etxeetan dauden pezetak programara bideratzeko eskatu du, izan ere Espainiako Bankuak ekainaren 30era zabaldu du pezetak euroengatik trukatzeko aukera.

"Ziur Tolosaldeko etxe eta txoko askotan ahaztuta dituzuela pezeta zahar horietako batzuk, baina oraindik garazi zaudete pezetak elkartasun ikur bihurtzeko", esan dute Buru Bihotz elkarteko kideek. Gogoratu dute Espainiako Bankuak ekainaren 30era arte zabaldu duela pezetak eramateko epea, eta beraz dei egin diete herritarrei pezeta horiek Dementzia Bizitzen programa garatzen jarraitzen laguntzeko bideratzeko. Pezetak Tolosako Kopibat, Shuyana, Eko Tolosa Frutategia, Berezi, La Huerta, Soronea eta Goikoetxea estankoan; Alegiako Maritxu janari dendan; Ibarrako Coviran eta To Pa Ti dendetan; eta Villabonako Masturinea harategian utzi daitezke. 

Tailer bat

Era berean, Dementzia Bizitzen programaren barruan apirilaren 15ean Tolosako Inmakulada Lanbide Ikastolan tailer bat eskainiko dute, 18:00etatik 19:00etara. Parte hartzeko www.burubihotzez.eus helbidera jo behar da edo 688 76 09 27 telefono zenbakira deitu.

Erlazionatuak

Dementzia dutenen gaitasunak sustatzen

Tolosaldea

'Dementzia Bizitzen' programa «komunitario eta integratzailea» aurkeztu du Buru Bihotzez elkarteak, dementzia duten pertsonei laguntzek...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!