Euskal Herriko 80 herri inguruk hartu dute parte Korrikaren ekitaldietan, eta Tolosaldea ere ez da atzean geratu. Adunan, Altzon, Amezketan, Anoetan, Ibarran, Ikaztegietan, Tolosan eta Zizurkilen herritar ugarik hartu dute parte Korrikaren amaiera irudikatuz egin dituzten ekitaldietan. Herri batzuetan ibilbidea osatu dute suziri eta furgoneta eta guzti, beste batzuetan abestiak eta bertsoak kantatu dituzte. Taldeko argazkiak egin dituzte guztietan, eta AEK-k ekitaldi amaierarako prestatutako mezua ere irakurri dute.
Tipi tapa, tipi tapa, 2022. urterako jarri dute euskararen aldeko lasterketaren hitzordua, orduan "inoiz baino beharrezkoagoa" izango dela esanez, herritar guztiak batzeko gonbita luzatuz.
