Ezohiko presazko bilkura deitu du, biharko, Enirio-Aralarko mankomunitateko lehendakariak, eta zuzendaritza batzarra egingo dute. 18:30ean, Ordiziako udaletxean egingo dute, eta gai ordenan puntu bakarra izango dute jorratzeko.
Abaltzisketa, Altzaga, Arama, Lazkao eta Gaintzako ordezkarien eskaera sartu zen otsailaren 8an, eta honenbestez, mankomunitatearen estatutuen 26. artikuluan ezarritakoa betez, ez ohiko presazko bilkura deitu dute.
Egindako eskaera tarteko, gai ordenan duten jorratu beharreko gaia honakoa da: "Zuzendaritza batzarrean tratatu gabe, ordenantzen trataera berria dela eta, hainbat abeltzainei bidali zaizkien gutunen nondik norakoen informazioa ematea, gaia eztabaidatu, eta ahal bada adostasun batera iristea. Bide batez, Aralarko Baserritarren Elkartea, eta Enba eta EHNE sindikatuko kideei beraien azalpenak emateko agerraldia egiten uztea".