(H)ari Naizela 200. saioa

(H)ari Naizela irratsaioaren 200. saioaren ospakizuna

Ataria Irratiko (H)ari Naizela irratsaioak 200. saioa egingo du eta hori ospatzeko bertso saio berezia antolatu da. Otsailaren 26an, ostirala, izango da Villabonako Gurea zineman. Oihana Iguaran, Maialen Lujanbio, Amets Arzallus eta Julio Soto izango dira bertsotan, eta Imanol Artola Felix gai jartzaile lanak egiten.

(H)ari Naizela, Imanol Artola Felixek gidatutako bertsolaritzaren inguruko saioa da. 2016ko urtarrilaren 17an egin zuen lehen irratsaioa eta ordutik, asteazkenero Ataria Irratian entzuteko aukera izaten da. Martxoaren 3an 200. saioa egingo du eta hau ospatzeko bertso saio berezia antolatu da. Uhinak izango da saioaren tematika.

Irratsaio hau, Ataria Irratiaren, Harituz Tolosaldeko bertsozaleen topagunearen eta Xenpelar dokumentazio zentroaren hitzarmen baten fruitu da eta bertso saio berezia ere elkarlanen horretatik sortutako ekimena izango da. Villabonako Gurea zineman izango da saioa, otsailaren 26an, ostiralean, 19:00etan. 

Sarreren informazioa datorren astean

Segurtasun neurriak direla eta, Gurea zinemako aforoa mugatua izango da eta 140 lagun ingururentzako lekua egongo da. Bertara joaten direnek, indarrean dauden osasun neurri guztiak bete beharko dituzte.

Sarrera bakoitzak 10 euroan izango da eta hauek eskuratzeko informazio guztia datorren astean zabalduko da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!