Haizeak egunaren gehienean mendebaldetik bizi joko du; azken orduetan hego-mendebaldera egin eta ahuldu egingo delarik. Tenperatura balio altuenak ez dira 7-9 gradutik pasako. Elur-maila goizean 400-500 metrotan kokatuko da; eguerdi aldera 600-800 metrotan eta arratsaldean berriz 1.000 metrotan.
Beste egun batez giro kaskarra izango dugu bihar. Goizean hodeitza handia izanagatik euri gutxi botako du. Arratsaldean ordea zaparradak ugaritu egingo dira eta indarra hartuko dute, tarteka ekaitzak jo dezakeelarik. Haizea mendebaldetik bizi ibiliko da eta tenperatura balio altuenak ez dira 7-9 gradutik pasako. Elur-maila goizean 1.000 metrotan kokatuko da; arratsaldean 700-800 metrotan eta egunaren amaieran 500-600 metrotan.