Koronabirusa

"Parte-hartzea %41ekoa izan da"

Beatriz Unzue eta Iker Urruzola Amasa-Villabonako eta Zizurkilgo alkateek eskaera bat egin die Osakidetzari: Baheketa egiteko adin-tartea 13 urtetatik 40ra bitarte mugatu ordez, herritar guztientzako deialdi orokor bat egitea.

Unzuek eman du lehen datu nagusia: %41eko parte-hartzea izan du atzo eta gaur Amasa-Villabonako Behar Zana frontoian gauzatu den baheketak. Ondoren, esker mezua izan du parte-hartzaile guztientzat. "Eskerrak eman nahi dizkiegu, bihotz-bihotzez, parte hartu duten herritar guztiei, PCR proba egitera euren borondate guztiarekin etortzeagatik. Garrantzi handia du, une honetako bi herrietako argazki orokor bat izateko, eta aurrerantzean zein urrats eman behar ditugun jakiteko".

Bestetik, Urruzolak, argazki erreala izateko, proba hauek herritar gehiagori egiteak duen garrantzia nabarmendu du. "Baheketa honek, baina, errealitate bat soilik erakutsiko digu, eta guk errealitate osoa jakin nahi dugu, bi herrietan zer dugun jakiteko. Hori dela eta, eskaera luzatu nahi diogu Osakidetzari, adin-tartea 13tik 40ra bitarte izan ordez, herritar guztiei zabaltzea. Horrek, benetako errealitatea zein den erakutsiko digu".

Datozen egunetan jakingo da zein den emaitza erreala, eta horrek erakutsiko du zeintzuk izan beharko duten, Osakidetzarekin eta Osasun Sailarekin elkarlanean, hartu beharreko neurriak.

Erlazionatuak

1.100 proba inguru egitea aurreikusten dute

Amasa-Villabona Zizurkil

Atzo 663 PCR proba egin zituzten Amasa-Villabonako Behar Zana pilotalekuan. Gaur, 14:00ak arte jarraituko dute bertan osasun langileek, eta 500 pro...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!