Tolosan atzeman dituzte positibo gehien, 16 guztira. Amasa-Villabonan 4 positibo egon dira, Ibarran 3, Zizurkilen 2, eta bana Asteasu, Bidania-Goiatz, Irura eta Leaburu-Txaraman.
Osasun sailak emandako datuen arabera, 17.061 test diagnostiko egin zituzten atzo, eta horietatik, 1.420 (%8,3) positiboak izan ziren. 619 Gipuzkoan atzeman ziren, tartean, 29 Tolosaldean.
Tolosaldeko ESIak (997) eta Alegia, Ibarra, Tolosa eta Villabonako osasun eremuek goriz jarraitzen dute, eta baita Amasa-Villabonak (1.473) eta Tolosak (814) ere, azken hamabost eguneko intzidentzia tasa kontuan hartuta 500etik gora baitaude. Hori dela eta, Amasa-Villabonan eta Zizurkilen baheketa egingo dute gaur arratsaldean eta bihar goizean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
