Osasun sailak emandako datuen arabera, 17.061 test diagnostiko egin zituzten atzo, eta horietatik, 1.420 (%8,3) positiboak izan ziren. 619 Gipuzkoan atzeman ziren, tartean, 29 Tolosaldean.
Tolosaldeko ESIak (997) eta Alegia, Ibarra, Tolosa eta Villabonako osasun eremuek goriz jarraitzen dute, eta baita Amasa-Villabonak (1.473) eta Tolosak (814) ere, azken hamabost eguneko intzidentzia tasa kontuan hartuta 500etik gora baitaude. Hori dela eta, Amasa-Villabonan eta Zizurkilen baheketa egingo dute gaur arratsaldean eta bihar goizean.