Ostartetxoren bat edo beste gehiago ikusiko den arren, hodeiak nagusituko dira eta hodei hauek arratsalde partean tantaren bat edo beste utziko dute. Haizeak hego-mendebaldetik jotzen jarraituko du eta tenperatura maximoa beste pare bat gradu igoko da, 16-17 graduan joaz goia.
Giro eguzkitsua bueltan izango da bihar. Goizeko behe-lainoa altxa ostean zerua urdina nagusituko da egun osoz. Tarteka hodeiren bat edo beste agertuko da, baina batere trabarik egin gabe eguzkiari. Haizeak hegotik joko du, ahul eta tenperatura maximoak koska pare bat gora egin eta 18-19 graduan joko du goia.
