Erronka bota du Hauspotuz elkarteak

Tolosaldeko trikiti elkarteak trikiti piezekin 200 bideo jasotzeko asmoa du.

Hauspotuz Tolosaldeko trikiti elkarteak "egungo egoeragatik emanaldirik antolatu ezin denez", trikitilariak bideoak grabatzera animatu ditu. Dagoeneko bideoak jasotzen hasiak direla esan dute, eta kopuru bat ere jarri dute jomugan: 200.

Hori da, hain justu, pasa den urtean elkartu zen trikitilari kopurua, eta horretara iristea da jarri duten erronka. Panderoa edo soinua joz 30 segundoko bideoa grabatzeko eskaria egin dute, bakarka zein lagun artean, eta grabazio hori emailez bidaltzeko eskatu dute, hauspotuztrikitixa@gmail.com helbidera.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!