Hego-haizeari esker epeltasun pixka bat eta giro lasaia izango dugu. Goi-hodei batzuk agertuko dira zeruan baina trabarik egin gabe eguzkiari, eguraldi eguzkitsua nagusituz egun guztian. Tenperaturak gora egin eta maximoak 21-22 graduan geratuko dira.
Bihar aldaketa batzuk izango ditugu. Goiza polita izango da, hego-mendebaldeko haizearekin eta giro argiarekin. Eguerditik aurrera haizeak ipar-mendebaldera egin eta zerua estaltzen hasiko da, arratsalde erdirako zeru estalia geratuz. Azken orduetan euri-langar pixka bat egingo du. Tenperatura koskatxo bat jaitsiko da, goia 20-21 graduan joaz.