Azken Mugaren egitarauaren barruan Aralarko II. Gazta Txapelketa izan da eguerdian Zarateko lepoan. Hiru gazta aurkeztu dira lehiaketara, bi nafar eta gipuzkoar bat, eta horiek dastatu dituen epaimahaia Enrike Solinisek, Itziar Egidazuk eta Migel Otamendi Beloki-k osatu dute.
Puntuazio handiena Uztegiko Antxonea gaztandegiko gaztak jaso du, bigarren geratu da Gaintzako Martiko gaztandegikoa eta hirugarren Zaldibiako Moxo. Bada, epaia ematearekin batera, gerturatu direnek hiru gaztak dastatu ahal izan dituzte.