Txalaparta edo panderoa jotzen ikasi nahi duenak Loatzon du aukera

Tolosaldeko Ataria 2020ko ira. 18a, 09:56

Loatzo Musika Eskolak txalaparta edota panderoa ikasi nahi dutenen eskura jarri ditu bi ikastaroak. Interesatuek izena hilaren 21etik 25era bitartean eman beharko dute.

Loatzo Musika Eskolak bi ikastaro berri antolatu ditu urrian hasteko. Txalaparta eta panderoa jotzen ikasteko aukera izango da.
 
Txalaparta ikastaroa Zizurkilen emango da, Atxulondo kultur etxean. Ostiraletan izango da saioa 16:30etik aurrera. Aldiz, panderoa jotzen ikasi nahi duenak Altzora joan beharko du. Kasu honetan, asteazkenetan izango da ikastaroa 19:00etatik aurrera.
 
Bi ikastaroak urriaren 5ean hasiko dira, eta 2021eko otsailaren 26a bitarte luzatuko dira.
 
Izen ematea online egin behar da www.loatzo.eus webgunean; irailaren 21tik 25era egin beharko da. Informazio gehiago nahi duenak edo zalantzaren bat duenak 943 69 26 19 telefono zenbakira deitu dezake.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!