Gure Zirkuak irailaren 13an amaituko du Orioko egonaldia. Uztailaren 17an egin zuten lehen ikuskizuna herri horretan, eta irailaren 13ra bitarte, 43 emanaldi egingo ditu. Zifra horretara iristeko azken hamar saioak iraileko lehen egunetan egingo dituzte.
Zirkuak adierazi duenez, ez zuten espero Covid-19ak sortutako testuinguruan saio kopuru horretara iristea, eta "are gutxiago" uztaileko eta abuztuko emanaldien artean 10.000 ikusle inguru edukitzea. Artista taldeak eskerrak eman dizkie emanaldia ikustera gerturatu direnei: "Gozamena izan da zinez aurten emanaldiak eskaintzea, bihotza ukitzerainoko erantzuna jaso baitu proiektuak ezohiko egoera honetan".
Hauek dira taldeak iragarri dituen hamar saioak:
- Irailak 2, asteazkena, 19:00etan
- Irailak 3, osteguna, 19:00etan
- Irailak 4, ostirala, 19:00etan
- Irailak 5, larunbata, 19:00etan
- Irailak 6, igandea, 19:00etan
- Irailak 9, asteazkena, 19:00etan
- Irailak 10, osteguna, 19:00etan
- Irailak 11, ostirala, 19:00etan
- Irailak 12, larunbata, 19:00etan
- Irailak 13, igandea, 19:00etan