Joan den abuztuaren 8an itxi zuten Irura eta Amasa-Villabona lotzen dituen N-1 errepide zatia. Gipuzkoako Foru Aldundia zoruaren egitura berregiteko eta birgaitzeko lanak egiten aritu da eta gaur amaituko dituzte obrak.
Lanek iraun duten bitartean hainbat neurri hartu dituzte, besteak beste, bypass bat jarri dute 2,74 kilometroko zati batean eta 3,5 tona baino gehiagoko ibilgailuek debekatuta zuten Andoain eta Beasain artean zirkulatzea 08:00etatik 20:00etara. Lanak gaur amaituko dituztenez, debeku hori ere bertan behera geratuko da eta ibilgailu guztiek askatasun osoz zirkulatu ahal izango dute bihartik aurrera.
