'Hurbildu' kanpaina aurkeztu du Tolosaldea Garatzenek

Osasun krisiaren eraginaren aurrean, turismoa sustatzeko kanpaina jarri du abian Tolosaldea Garatzeneko Turismo sailak. Egitasmoa lau bideok osatzen dute eta aste honetan jarriko da martxan. 

Gai ezberdinak azalduko dira aipatu bideoetan, hurrenez hurren, natura, gastronomia, familia eta euskal kultura. Lau hizkuntzatan argitaratu dira: euskaraz, katalanez, gazteleraz eta frantsesez. Lehen bideoa aste honetan aterako dute, eta azkena, berriz, udazkenean argitaratuko da. Azaldu dutenez, helburua tolosaldea lo egiteko toki erakargarri bihurtzea da, eta bertakoei inguruan dituzten aukeren berri ematea.

Tolosaldeko hainbat ekoizlek egitasmoa "oso aberasgarria eta onuragarria" dela uste dute. Esan dutenez, horrelako kanpaina berri batek jendea erakarri egingo duelako. 

Koronabirusaren eragina

Erakundeak azaldu duenez, beste urte batzuetan sasoi honetarako itxita egoten dira erreserba guztiak, aurten berriz, jendeak ez omen du erreserbarik egiten "azken momentura arte".

Kutsatzeen kopuruak Tolosan gora egiteak ere kalte egin duela adierazi du Tolosaldea Garatzenek. Bide horretatik, ostalaritza eta lo lekuak eskaintzen dituzten sektoreak beldurrez daudela ere gehitu du. Hala ere, uztaila "uste baino hobeto" joan dela nabarmendu dute, eta itxaropentsu agertu dira abuztura eta udazkenera begira. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!