Larunbata (ekainak 20)
Giro eguzkitsu eta epela. Egun osoan giro argia izango dugu. Zerua ez da erabata garbi agertuko. Tarteka hodeigune batzuk ikusiko ditugu, baina hauek ez diote eguzkiari trabarik egingo eta giro eguzkitsua nagusituko da egun osoz. Haizeak goizean aldakor joko du, arratsaldean aldiz ipar-ekialdetik bizi eta tenperatura maximoak beste koska pare bat gora egin eta 23-24ºC-tan joko dute goia.
Igandea (ekainak 21)
Udako lehen eguna giro eguzkitsuarekin dator. Berriz ere zeruan urdina nagusituko da, nahiz eta, tarteka hodeigune batzuk azaldu. Eguzkiak berotzeko aukera izango du eta uda-sasoiko giro bikaina izango dugu. Haizeak ipar-ekialdetik joko du, orokorrean ahul eta termometroek beste koska pare bat gora egingo dute, jada bero puntu bat harrapatuz. Maximoek 25-26ºC-tan joko dute goia eguneko erdiko orduetan.