Elhuyar Zientziako lantaldeak koronabirusaren inguruko argibideak emateko bederatzi bideo-pilulako sorta bat prestatu zuen. Bertako kide den Ana Galarraga Aiestaranek minutu bateko bideoetan hainbat gai landu ditu, hala nola, birusaren jatorria, komunitate zientifikoaren ahalegina, adinaren araberako eragina, emakumeak zaurgarriago izatea, edota tratamenduen inguruan.
Segidan, “COVID-19aren izurria argitzen” bideo-pilula guztiak:
- 1. atala: Saguzarretatik gizakietara
- 2. atala: Mesederik ez
- 3. atala: Adin guztietakoak infekta daitezke
- 4. atala: Emakumeak zaurgarriago
- 5. atala: Erabateko konfinamendua
- 6. atala: Pandemiaren metaforak
- 7. atala: Birusaren mutazioak
- 8. atala: Tratamenduak proban
- 9. atala: Sukarra, adierazle
Eduki berezi honek zabalpen handia izan du, Elhuyarren sare sozialetan eta zientzia.eus atarian zabaltzeaz gain, euskarazko 30 hedabide baino gehiagotan ere hedatu da, tartean, ATARIA-n.