Kilometroak kultur elkarteak eta Mintzola lantegiak deitu dute, Zubimusu ikastolaren eta Hernandorena elkartearen babesarekin. Pello Mari Otaño izena darama bekak eta Aiztondoko bertsolaritzaren ikerketa eta haren dibulgazioa egitea du helburu.
Eskariak apirilaren 2ra arte aurkeztu ahal izango dira eta deialdiari buruzko informazioa Zubimusu ikastolaren, Kilometroak jaialdiaren eta Mintzola Ahozko Lantegiaren atarietan argitaratuko da. Hemen oinarriak eta izen emateko orria.
Bertsolaritza eta emakumea Aiztondon ikergaia duten proiektuak lehenetsiko dira baina bestelako proiektu eta monografikoak onartuko dira, bailarako ahozkotasunari eta ahozko kultur sorkuntzari buruzko jakintza ikertzen badute, beti ere.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!