Eusko Jaurlaritzak koronabirusean positibo eman dutenen datuak eguneratu ditu eta horien arabera, atzo baino 16 kasu gehiago daude Tolosaldean. Osasun sailak ematen dituen datu ofizial horiek, bezperakoak izaten dira.
Eusko Jaurlaritzaren azken datuen arabera, 37 koronabirus positibo daude Tolosaldean, atzo baino 16 gehiago; Tolosan 20, Ibarran 5, Iruran 5, Amasa-Villabonan 3, eta Alegian, Anoetan, Asteasun eta Zizurkilen bana.
Euskal Herrian 2.026 gaixok eman dute positibo koronabirusaren proba eginda, administrazioen arabera. 78 hil dira. COVID-19 gaitza izandako 21 pertsona osatu egin dira. Grafikoak eta informazio guztia Berria.eus webgunean.
2020 mar 20 Amezketa
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!