Koronabirusa

Amezketar bat hil da koronabirusarekin

Amezketako Udalak konfirmatu duenez amezketar bat hil da koronabirusarekin herrian.

Hasteko, herritar guztien izenean, doluminak eman dizkiete hildakoaren familia osoari. Eta esan, bere familiako bi kideak, behintzat, berrogeialdian jarriak dituztela.

Egoeraren aurrean, udalak, mezu zuzena eta argia zabaldu die herritarrei: "Koronabirusagatik egunotan bizi dugun krisi egoera hau ez da txantxetakoa (Euskadin dagoeneko 50 baino gehiago dira hildakoak) eta agerian da Amezketan ere eragina duela koronabirusak. Denok dugu gure etxeetan egoteko agindua eta denok erantzukizunez jokatu behar dugu, koronabirusa oso kutsakorra delako eta arriskuak oso handiak direlako. Mesedez, ez atera etxetik behar-beharrezkoa ez bada".

Era berean, "erosketak egitera edo lanera joateko atera behar izanez gero, garrantzitsua da ohartaraztea distantziak gorde, eta higiene neurriak gorde behar direla", azpimarratu dute.

Koronabirusagatik zantzu edo sintomak izanez gero, Osakidetzak telefonoa jarria duela gogorarazi die herritarrei; 900 20 30 50 telefono zenbakira deitu, eta Aholku Sanitarioa aukera hautatu behar da: "Beraiek nola jokatu behar den esango digute".

Erlazionatuak

37ra igo dira koronabirus positiboak Tolosaldean

Tolosaldea

Eusko Jaurlaritzak koronabirusean positibo eman dutenen datuak eguneratu ditu eta horien arabera, atzo baino 16 kasu gehiago daude Tolosaldean. Osa...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!