Oso gutxi botako du eta euria ez da hizpide izango, baina giro motela izango dugu. Hotz egiten jarraituko du, nahiz eta, termometroak pare bat gradu igo. Maximoak 6-8 ⁰C bitartean kokatuko dira. Botatzen duen prezipitazio urri hori goizean 700-800 metrotan izango da elurretan eta arratsaldean aldiz jada ez da elurrik izango gure mendietan.
Asteazkena (urtarrilak 22)
Giro tristearekin jarraituko dugu. Berriz ere egun osoan zerua ia erabat estalirik agertuko da eta euria ere izango dugu. Euria gehienbat egunaren amaieran, iluntze aldera izango dugu, non orduan zaparrada mardulen bat edo beste izango den. Gainontzeko orduetan, nahiz eta, tarteka euri pixka bat izan, askoz gutxiago botako du. Tenperaturak igo eta maximoak 8-10 ⁰C bitartean kokatuko dira.