Termometroek behera egin eta 12-14 °C bitartean joko dute goia.
Larunbata (abenduak 21)
Giro nahasiarekin jarraituko dugu. Goizaldean eta goiz erdirarte hodei asko izango dugu eta euri pixka bat ere botako du. Eguneko erdiko orduetan hego-mendebaldeko haizearekin lasaialditxo bat izango da, non ateri egongo den eta ostartetxoren bat zabalduko den. Arratsaldean ordea haizeak mendebaldera egin eta euritara joko du berriz, tarteka zaparrada mardulak botaz. Mendebal/hego-mendebaldeko haize zakarraren eraginez maximoak igo eta 19-21 °C oso epeletan kokatuko dira.
Igandea (abenduak 22)
Hego-mendebaldeko haize zakar edo oso zakarrak jarraipena izango du. Horrekin, nahiz termometroak zertxobait jeitsi, giro epelarekin jarraituko dugu, non maximoek 16-18 °C bitartean joko duten goia. Zeruan aldiz hodei asko izango da egun osoz eta tarteka tarteka zaparrada ahul batzuk botako ditu, gehienbat arratsaldean, nahiz eta, litrotan oso euri gutxi izango den.