Zeruan berriz, goizean hodeitza handiagoa izango da, hala ere, ateri eutsiko dio eta gainera orduek aurrera egin ahala ostarteak nagusituko dira eta egun osoz giro nahiko argia izango dugu.
Asteazkena (abenduak 11)
Giro kaxkarra bueltan. Goizean helduko den fronte batek euri zaparrada mardul xamarrak eta giro hotza utziko dizkigu. Euri gehien goiz erditik, arratsaldeko lehen orduak arte espero da, non zaparrada mardulak botako dituen. Arratsalde erdi eta iluntzean askoz gutxiago botako du. Haizeak goizean hego-mendebaldetik ipar-mendebaldera egin eta termometroak dexente jeitsiko dira. Maximoak goizean emango dira 10-12⁰C bitartean, baina ondoren hoztu egingo du. Elur-maila 1000 metroren bueltan kokatuko da.