Landarlan elkartearen proposamenari baietz esan eta Jokin Mitxelenaren marrazkiek lagunduta, Aralar mendikateaz ariko dira sortzaileak hiru liburuetan, Ibaizabal argitaletxearekin.
"Asko ikasi dut Aralarri buruz, 'Garalar Maralar' bilduma idazten. Eta nirekin batera, guraso eta irakasle askok asko ikasiko dute, haurrekin irakurtzean. Adibidez, Aralarren garai batean itsasoa izan zela, arrezifea izan zela". Bizipenetatik tiraka ere idatzi du Zubizarretak: "Hanka-hutsik, Aralarko alfonbran oinez ibiltzea magikoa zen niretzat".
Haur literaturako Euskadi Saria 2019 jaso berritan eta Durangoko Azokaren atarian, une gozoaz disfrutatzen ari dela aitortu du idazleak.
