Kulturari begira saioan, bi elkarrizketatu nagusi izan ditugu: Kattalin Ansorena, Mirri pailazoa, batetik, eta Juantxo Zeberio musikagilea, bestetik. San Martin jaiak ere hizpide izan ditugu.
Larunbatean, 17:00etan, Txirri, Mirri eta Txiribitonek Leidorren eskainiko duten Xaguxarroski kondea ikuskizunari buruz aritu gara Mirri pailazoarekin. Bestetik, Juantxo Zeberio elkarrizketatu dugu; Xomorroak izeneko diskoa aurkeztu berri du Donostiako Orfeoi Txikiarekin eta Donostiako Orfeoi Gaztearekin batera, eta horren inguruko xehetasunak kontatu dizkigu. Azkenik, eskualdean ospatuko diren San Martin jaien inguruan, agendaren errepasoa egin dugu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!