Giro euritsuarekin hasiko dugu astea. Goiz partean eta eguerdira bitarte giro lasaia izango dugun hego mendebaldeko haizearekin. Ondoren, euritara joko du eta arratsalde partean nahiko sarri eta mardul botako du.
Tenperatura maximoak 17-18 gradutan mugituko zaizkigu.
Biharkoan, berriz, giro ezegonkorra, traketsa izango dugu. Goiz partean ateri baina arratsaldean zaparradak botako ditu. Mendebaldeko haizea zakar ibiliko da, eta goietako aire hotzarekin tenperaturek berriz ere behera egingo dute, 15 gradutara ezin iritsi ibiliko direlarik.
Asteazkenean hasiko zaigu eguraldia lasaitzen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
