Ibarra eta Tolosako ikastetxeetako haur, guraso eta irakasleak errepidera irten dira. Ibarrako plazatik abiatu ondoren, Tolosan barrena ibiliaz Zumardiaundiara iritsi dira. Bertan, merienda eta jolasak zituzten zain.
Europako Mugikortasun Astearen harira, Tolosa eta Ibarra arteko bizikleta bira ospatuko dute gaur arratsaldean. Bi herrietako ikastetxe guztiek hartu dute parte ekimenean. Mugikortasun Astearen amaiera ekitaldian sariak ere izan dira. Ikastetxeetako ordezkariak saritu dituzte Ibarra eta Tolosako udal ordezkariek.
Haurrak, bien bitartean, Zumardiaundian zeuden jolasetan ibili dira, Intujai antzerki taldeko kideekin, Peñascal fundazioak prestatutako merienda eskuetan zutela.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
