Bertan behera geratu da bi gazteen aurkako epaiketa

Zizurkilgo Kaxilda gaztetxearen okupazioaren harira, usurpazio arinagatik egotzita, Aiztondoko Gazte Asanbladako bi kide adierazpenak egitera deituta zuden, gaur, Tolosako Epaitegian.

Epaiketa, ordea, bertan behera geratu da, jabeen abokatuak ertzainaren lekuko batek deklaratzea nahi zuelako eta eskaera egin gabe zutenez hau aurkeztu ez delako.

Epaiketa gauzatzekoa zen une berean, epaitegiaren kanpoaldean, dozenaka gazte bildu dira, auzipetuei babesa eta elkartasuna adierazteko. "Kapitalari kontrajarriak diren guneak defendatu" zioen pankarta zabaldu dute.

Tolosako Ezpala gaztetxearen okupazioa dela eta, Tolosako Gazte Asanbladako kide batek ere epaiketa izango du. Irailaren 3an izango zela esan zien lehenengo; gero, ordea, data atzeratzea erabaki zuen epaileak. Une honetan, datarik gabe dago epaiketa hori.

Erlazionatuak

Epaileak zer erabakiko zain

Tolosaldea

Ezpala gaztetxeko kide batek eta Kaxildako bik, epaiketak izango dituzte datozen asteetan. Tolosako eta Zizurkilgo Gazte Asanbladetatik egoera ezag...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!