Aitormenaabestia duela hiru hamarkada sortu zuen Hertzainak taldeak. Grabaketan, taldeko kideen eta orkestrakoen artean harremanik ez zen egon: «Ez hotza eta ez ezer, zero. Eurena grabatu eta joan egin ziren, ez zuten ez gure zatia entzun, ez abestia, ez ezer. Ezta hitz bat ere». Josu Zabalak horrela gogoratzen du.
Asteazkenean, zuzenean lehen aldiz kantatu zuten orkestrarekin, Aitormena. Gari eta Josu Zabalaren, eta orkestrako kideen arteko harremana, entzuleekikoa bezala, hunkigarria izan zen. Bi orduko emanaldia abesti baten inguruan mugitu zen, eta, kontzertua amaitu ondoren, azken kanta gehigarria, nola ez, berriro ere Aitormena izan zen. Kasu horretan, beste artistak ere ondoan izan zituzten.
Eskualdeko ordezkaritza zabala izan zen Hondarribian, Hertzainaken lehen berragerpenean: Et Incarnatus orkestra tolosarra, Lain taldeko Leire Berasaluze eta Kristina Aranzabe billabonatarrak, Xabier Berasaluze Leturia billabonatarra, Maixa Lizarribar altzotarra eta Glaukoma taldeko Juantxo Arakama tolosarra.
Orkestrako kideak
Miren Zeberio, kontzertinoa; Amaiur Cajaraville, baxua; Gorka Benitez, sax flauta; Juantxo Zeberio, pianoa; Karlos Aranzegi, bateria; Jurdana Otxoa, Txabeli Iglesias, Amaia Gutierrez, Mikel Urdangarin, Maddi Arana, Tomas Ruti eta Nika Mitchiashvili, biolinak; Iker Gimenez eta Imanol Martinez, biolak; Alejandro Martínez eta Iratxe Paredes, txeloak; eta Migel Zeberio, zuzendaria.
Hertzainak taldeko Garik eta Josu Zabalak kontzertua eskaini dute, Tolosako Et Incarnatus orkestrarekin; eskualdeko beste hainbat artista ere aritu dira.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!