Axari Trail mendi lasterketa izan da jokoan Idiazabalen, eta gizonezkoen proban bigarren postua lortu zuen Hassan Ait Chaou billabonatarrak, Aritz Egea irabazlearengandik 6 minutu eta 26 segundora. Iñaki Olano altzotarrak bosgarren postua lortu zuen, 8 minutu eta 20 segundora. Hori horrela, Olanok Goierriko Trail Kopa irabazi du, guztira 242 puntu lortuz; bigarren egin duen Sergio Serranok 184 puntu eskuratu ditu.
Emakumezkoetan Oihana Zubillaga anoetarrak laugarren postua lortu zuen, Laida Garai irabazlearengandik 18 minutu eta 7 segundora. Bestalde, Irene Iturria tolosarra lehenengo postuan helmugaratu zen kadete mailan Axari Trail Txiki proban.
