Altuna III.a eta Artolaren arteko finala izango da

Lau eta erdiko San Fermin Txapelketako finala uztailaren 7an izango da, Iruñeko Labrit pilotalekuan. Eskualdeko bi ordezkari izango dira txapelaren lehian.

Iñaki Artolak Bakaikoaren arteko partida irabazi du gaur arratsaldean, Barañainen, 22-9. Atzo, Jokin Altunak gauza bera egin zuen Sopelan, Ezkurdiari 22-19 irabazita. Ondorioz, uztailaren 7an jokatuko den finalean eskualdeko bi ordezkari egongo dira.

Artolak partida handia jokatu du Barañainen Bakaikoaren aurka. Borroka hasieran egon da, 0-1; 5-1; 5-3; 6-8; 13-9; 22-9. Ondoren, airez asmatzen hasi da alegiarra, eta ikusgarria izan da Artolaren jokoa. Amaieran, guztira, 16 tanto egin ditu Iñaki Artolak. Sakez, beste bi lortu ditu alegiarrak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!