Grafikagintzan lehen greba eguna eta papergintzan hirugarren eguna dute. Papergintza sektoreko %90a ari da greba egiten, produkzioa erabat geratuz eta grafikagintzan %80ko jarraipena izan du.
Bi sektore hauetako langileek argi adierazi dute ez dutela onartzen Adegiren jarrera immobilista. LAB sindikatuak salatu duenez, "Adegik ez du du negoziatzeko borondaterik, hitzarmenak edukiz betetzeko asmorik ere ez eta, gainera, jarrera agintzaile eta erasokorrarekin jarraitzen du". Helburu horrekin, bi sektoretako langileak Adegiren aurrean elkarretaratu dira gaur.
Bihar, ekainak 27, bi sektoreek beste greba egun bat izango dute. Horren aurrean, manifestazioa egingo dute Tolosako Trianguloa plazatik, 12:00etan hasita.