Papergintza hitzarmen berri baten alde borrokan ari dira papergintzako langileak eta indarra erakutsi dute gaur Tolosako kaleetan, bigarren greba egunean.ELA, LAB eta CCOO sindikatuek egin dute deialdia eta eskualdeko Aralar, Munksjö eta Oriako langileak elkartu dira bertan.
Bere horretan jarraitzen du greba egutegiak, LAB eta ELA sindikatuek ADEGIren jarrera salatu dute, «sektorea grebara behartu» dutela azpimarratuz. Patronalaren jarrera egunotan aldatu ezean, datorren astean, ekainaren 26 eta 27an eta uztailean, irailean eta urrian beste launa egunetan egingo dute greba.