Gipuzkoako 2. Mailako Aizkolari Txapelketako finala erabakita geratu da. Kanporaketa zortzi aizkolariren artean jokatu zen Ereñozun, igandean. Finalera horietatik sei pasa ziren, tartean, eskualdeko biak: Jexuxmari Mujika eta Jokin Alkizalete. Ibartarra izan zen denborarik onena egin zuena: 11.18. Asteasuarrak bosgarren amaitu zituen lanak, 13.20ko denborarekin. Bigarren Aratz Mugertza geratu zen, Luis Txapartegi hirugarren eta Elorriaga II.a laugarren. Finalerako azken txartela lortu zuena Suharri Rodriguez izan zen. Aitor Urteaga eta Manu Fraile kanporatuak izan ziren. Ereñozun, 54 eta 60 ontzako bina enbor ebaki behar izan zituzten. Finala, ekainaren 30ean, Usurbilen jokatuko da. Irabazleak lehen mailarako jauzia emango du.
Gipuzkoako 2. Mailako Aizkolari Txapelketaren kanporaketa jokatu zen igandean; Jexuxmari Mujika ibartarra izan zen denborarik onena egin zuena.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!