"Urteak ziren Tolosan 1.300 botora ez ginela iristen, eta oro har, gure igoera nabaria izan da", adierazi du Fernandezek. Igoera hori Sanchezengatik, eta eskuineko alderdien aurrean boto erabilgarri izanagatik izan dela azaldu du.
Pedro Sanchezek ezkerreko gobernu bat osatzea nahiko luke Cristian Fernandezek: "Ciudadanosekin elkartzearen ideia ez zait gustatzen, eta uste dut ezkerreko gobernu bat osatuko dugula". PP alderdiaren jeitsiera eskuineko alderdiak zatikatu izanagatik gertatu dela uste du Tolosako zinegotziak.
Udal hauteskundeei begira, ez direla gauza bera dio, baina, hala ere, "baikor" azaldu da. "Oso baikor eta gogotsu gaude. Dinamika positiboarekin lanean jarraitzeko prest gaude. Udalekoetan antzeko emaitza errepikatuko balitz bi edo hiru zinegotzi izango genituzke, eta zenbaki hori mantendu edo horretara gerturatzeko lan egingo dugu".